ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
ھامىلدارلىق مەزگىلىدە قورسىقىڭىزنى قولىڭىزدا تاتىلىماڭ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-11-08كۆرۈلىشى : قېتىم
   ئايال كىشى ھامىلدار بولغاندىن كىيىن، ھامىلدارلىق ئوتتۇرا ياكى ئاخىرىقى مەزگىللىرىدە، نۇرغۇنلىغان ھامىلدار ئاياللاردا ھەمىشە قورسىقى قىچىشىپ كەتكەندەك تۇيغۇ پەيدا بولىدۇ، بۇ ۋاقىتتا كۆپ قىسىم ھامىلدار ئاياللار قولىدا قورسىقىنى تاتىلاش ئارقىلىق قىچىشىشنى پەسەيتمەكچى بولىدۇ. ئەمىلىيەتتە، بۇنداق قىلىش توغرا ئەمەس بولۇپ، بەزىدە ھەتتە قورساقتىكى ھامىيلىگە زەخمە يەتكۈزۈپ قويىشىمىز مۇمكىن. شۇنىڭ ئۈچۈن، ھامىيلىنىڭ ساغلام يېتىلىشى ئۈچۈن، ھامىلدار ئاياللار تۆۋەندىكى ئۇسۇللارنى سىناپ باقسا، ئۈنۈمى بولۇپلا قالماي، يەنە ھامىيلىگىمۇ پايدىلىق بولىدۇ.
تەر چىققاندا تەرنى ۋاقتىدا سۈرتىۋىتىش
   ئادەتتە، ھامىلدار ئايالنىڭ بەدەن تىمپىراتۇرىسى ئادەتتىكى كىشىلەرگە قارىغاندا يۇقىرىراق كېلىدۇ؛ بۇنىڭغا قورسىقى يوغىناپ بەدەننىڭ يۈكىنىڭ ئېغىرلىشىشى قوشۇلۇپ، ھامىلدار ئايال ئازراقلا مىدىرلىسا تەرلەپ كېتىدۇ. ھامىلدار ئايال تەرلىگەندىن كېيىن، تەر سۇيۇقلۇقى قورساق تىرىسىدا توختاپ قۇرىسا، ھامىلدار ئايال قورسىقى قىچىشقاندەك ھېس قىلىپ، ئىختىيارسىز ھالدا قورسىقىنى تاتىلاپ بىرىدۇ.
   بۇنداق ئەھۋالدا، قوساقنىڭ تىرىسى قىچىشىشنى پەسەيتىش ئۈچۈن، ھامىلدار ئايال تەرلىگەندىن كىيىن، تەرنى ۋاقتىدا سۈرتۈپ قۇرۇتۇش كېرەك. بۇندىن باشقا، ئادەتتە قاتتىق ھەرىكەت قىلىشتىن ۋە بەك ئىسسىق جايلارغا بېرىشتىن ساقلىنىپ، تەر چىقىشنى ئىمكان قەدەر ئازلىتىش كېرەك.
ئىمكان بار كەڭرەك كېلىدىغان پاختا رەخت كىيىملەرنى كىيىش
   ھامىلدار بولغاندىن كىيىن، ھامىلدار ئايالنىڭ قورسىقى يوغىناپلا قالماي، پۇت قوللىرىمۇ ئىلگىرىكىگە قارىغان توم بولۇپ كېتىشى مۇمكىن؛ تەخمىنەن ھامىلدارلىق 5-4ئېيىغا كەلگەن ۋاقىتتا، ھامىلدار ئايال ئىلگىرىكى كىيىملىرىنى ئاساسەن كىيەلمەيدۇ. بۇ ۋاقىتتا، قوسىقىنى سىقىپ قويماسلىقى ۋە بىئاراملىق ھېس قىلماسلىقى ئۈچۈن، ھامىلدار ئايال ئىمكان بار كەڭرەك كىيىملەرنى تاللاپ كىيىشى كېرەك.
   بۇندىن باشقا، ئىمكان بار تەر سۈمۈرۈشچانلىقى ياخشى بولغان پاختا رەختلىك كىيىملەرنى تاللاش كېرەك. بۇنىڭدا، كىيىم كىچىك كەلگەنلىك سەۋەبىدىن قوساق سىقىلىپ قېلىش ھەمدە قوساق تىرىسىدا قىچىشىش تۇيغۇسى پەيدا قىلىشتىن ساقلىنىپ قالغىلى بولىدۇ، ھەتتا ھامىيلىگە بولغان تەسىرىنىمۇ كىچىكلەتكىلى بولىدۇ.
تىرىنى غىدىقلايدىغان ياكى تىرىنى قۇرغاقلاشتۇرىدىغان مەھسۇلاتلارنى ئاز ئىشلىتىش
   ھامىلدارلىق مەزگىلىدە تەر كۆپ چىقىدىغان بولغاچقا، ھامىلدار ئايالنىڭ يۇيۇنۇش قېتىم سانىمۇ كۆپىيىدۇ. يۇيۇنۇش جەريانىدا بولسا، بەزىبىر مەھسۇلاتلارنى(مەسىلەن، بەدەن يۇيۇش سۇيۇقلۇقى ياكى سوپۇن دېگەنگە ئوخشاش) ئىشلىتىشكە توغرا كېلىدۇ. ئەلۋەتتە، ھامىلدار ئاياللار يۇيۇنۇش مەھسۇلاتلىرىنى ئىشلەتسە بولىدۇ، ئەمما چوقۇم توغرا تاللاش كېرەك؛ ئەگەر مەھسۇلاتلارنى توغرا تاللىيالمىغاندا، ھامىلدار ئايالنىڭ قورسىقىنىڭ تىرىسى قىچىشىش ئەھۋالىنى ئېغىرلاشتۇرۇپ قويىشى مۇمكىن.
تىرىنىڭ زىيادە قۇرغاقلىشىپ قېلىشىدىن ساقلىنىش
   نۇرغۇن ھامىلدار ئاياللاردا مۇنداق بىر خىل تونۇش بار: ھامىلدار بولغاندىن كىيىن قورسىقىنىڭ تىرىسىدە قىچىشىش پەيدا بولسا، بۇنى ھامىلدارلىق قورۇقچىسى پەيدا بولۇشنىڭ ئالامىتى دەپ قارايدۇ. ئەمەلىيەتتە، ئەگەر ھامىلدار ئايال ئالدىنئالا تەييارلىق كۆرۈپ، ھەمىشە بەزىبىر تىرىنى قۇۋۋەتلەپ ئاسرايدىغان مەھسۇلاتلارنى(مەسىلەن، تەبىئىي زەيتۇن مېيى، مەخسۇس ئىشلىتىلىدىغان قۇرۇقچە مەلھىمى قاتارلىقلار) سۈرۈپ بەرسە،  ھەمدە بۇ ئارقىلىق تىرىنىڭ قۇرغاقلىشىپ كېتىشىنىڭ ئالدىنى ئالسا، تاۋۇزغا ئوخشاش "سىزىقچىلىرى بار قوساق" كۆرۈلۈشتىن ساقلىنىپ قالغىلى بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号