ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » ئانا-بالىلار
بوۋاققا بېلىق گۆشى يىگۈزۈشنىڭ پايدىلىق تەرەپلىرى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-10-17كۆرۈلىشى : قېتىم
   ھەممىمىزگە مەلۇملۇق، بېلىق گۆشى تەركىبىدە ۋىيتامىنلار ۋە مىنرالنى ماددىلار مول، ئۇنىڭ ئۈستىگە يۇمران ھەم تەملىك؛ شۇڭا بېلىق گۆشى، بوۋاقلارغا نىسبەتەن ساغلام يىمەكلىك ھىسابلىنىدۇ. بىراق، ھەرقانداق خىلدىكى بېلىقلارنىڭ ھەممىسىلا بوۋاقلارغا ماس كىلىۋەرمەيدۇ، شۇڭا ئادەتتە بوۋاققا يىگۈزۈشكە بېلىق تاللىغان ۋاقىتتا، بېلىقنىڭ ياشىغان دېڭىز رايونى، كىلىش مەنبەسى، قىلتىرىقى ۋە ئۇزۇقلۇق قىممىتى قاتارلىق ئامىللارنىڭ ھەممىنى ئويلاشماي بولمايدۇ.
   كىشىلەر ھەمىشە، دائىم بېلىق گۆشى ئىستىمال قىلىپ بەرسە، ئادەم ئەقىللىق بولىدۇ دىيىشىدىكەن، بۇ راستمۇ؟
   ئەمىلىيەتتە بۇ خىل قاراشنىڭ بەلگىلىك ئاساسى بار. چۈنكى، بېلىق تەركىبىدە DHAماددىسى مول بولۇپ، بۇ ماددىنىڭ ئادەتتە "مىڭە ئالتۇنى" دىگەن نامى بار؛ DHA بولسا، ئادەم بەدىنىدە ئاساسلىقى چوڭ مىڭە، كۆرۈش تور پەردىسى ۋە نىرىپلار ئىچىدە ساقلىنىدۇ.
   DHAماددىسى، كۆرۈش تور پەردىسىنىڭ نورمال ئىقتىدارىنى ساقلايدىغان بولۇپ، بوۋاقلار بۇ خىل ئۇزۇقلۇق ماددىسىغا تېخىمۇ ئىھتىياجلىق؛ چۈنكى، DHAماددىسى بوۋاقلارنىڭ كۆرۈش قۇۋۋىتىنىڭ ساغلام يىتىلىشىنى ئىلگىرى سۈرىدۇ. بۇندىن باشقا، DHAماددىسىنىڭ ئادەمنىڭ چوڭ مىڭىسىنىڭ يىتىلىشى ۋە ئەقلى ئىقتىدارىنىڭ يىتىلىشىگىمۇ زور پايدىسى بار بولۇپ، مىڭە ئىقتىدارىنى ئىلگىرى سۈرۈشتىكى ھالقىلىق ئىلمىنت، شۇنداقلا نىرۋا سېستىمىسىنىڭ ئۆسۈپ-يىتىلىشىدە كەم بولسا بولمايدىغان ئۇزۇقلۇق ماددا. شۇنىڭ ئۈچۈن، DHAماددىسىنىڭ چوڭ مىڭە، نىرۋا سېستىمىسى ۋە كۆرۈش قۇۋۋىتىنىڭ يىتىلىشىنى ئىلگىرى سۈرۈشكە بولغان پايدىسى ئىنتايىن زور.
   گەرچە DHAماددىسىنىڭ مىڭە ئىقتىدارى ۋە ئەقلى ئىقتىدارنىڭ يىتىلىشىگە بەلگىلىك پايدىلىق رولى بار بولسىمۇ، ئەمما ئادەمنى تېخىمۇ ئەقىللىق قىلىۋىتەلىشى ناتايىن؛ بۇ يەردە جەزىملەشتۈرگىلى بولىدىغىنى، بېلىق گۆشىنى كۆپ ئىستىمال قىلىش، ئادەمنىڭ چوڭ مىڭىسىنىڭ ۋە بەدىنىنىڭ يىتىلىشىنى ئىلگىرى سۈرەلەيدۇ.
   بۇندىن باشقا دىققەت قىلىشقا تىگىشلىك يەنە بىر نوقتا شۇكى، بېلىق ئىستىمال قىلىشنىڭ پايدىلىق تەرەپلىرى كۆپ بولسىمۇ، ئەمما قوبۇل قىلىش مىقدارىغا دىققەت قىلىش كېرەك، ھەدىسىلا بالىغا بېلىق گۆشى يىگۈزىۋىرىشكىمۇ بولمايدۇ؛ ئادەتتە، ھەپتىدە بىر قېتىم بېلىق گۆشى يىگۈزسەك ئەڭ مۇۋاپىق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2020 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号