ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
ھامىيلىنىڭ يىتىلىشىنىڭ ياخشى بولىۋاتقانلىقىنىڭ ئىپادىلىرى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-05-30كۆرۈلىشى : قېتىم
   ھامىلدارلىق مەزگىلىدە، خۇشاللىقلا بار ئەمەس؛ ھامىلدار ئاياللار، ھەمىشە بەزىبىر ئىشلارنىڭ قوسىقىدىكى بالىغا تەسىر يىتىپ قېلىشىدىن ئەندىشە قىلىپ ئۆتىدۇ. ئەمىلىيەتتە ھامىلدارلىق مەزگىلىدە، تۆۋەندىكى نەچچە خىل ئىپادە كۆرۈلسە، بۇ ئەھۋال ھامىيلىنىڭ يىتىلىشىنىڭ ئىنتايىن ياخشى بولىۋاتقانلىقىنى بىلدۈرىدۇ، ھامىلدار ئاياللار ئارتۇقچە ئەندىشە قىلمىسىمۇ بولىدۇ.
كۆكسى ئاغرىش
   ھامىيلىنىڭ كۈنسايىن يىتىلىپ بېرىشىغا ئەگىشىپ، ھامىلدار ئايالنىڭ بەدىنىدىكى ئاياللىق ھورمۇن سەۋيىسى ئېشىپ، بەدىنىدە ھەرخىل ئۆزگىرىشلەر كۆرۈلۈشكە باشلايدۇ؛ بۇنىڭدا ئەڭ كۆرۈنەرلىك بولغىنى، ھامىلدار ئايالنىڭ كۆكسى بارغانسىرى يوغىناپ كىتىدۇ. ھامىيلىنىڭ يىتىلىش جەريانىدا، ھامىلدار ئاياللارنىڭ ئۆزىنىڭ كۆكسىنىڭ چىڭىپ ئاغرىشىنى ھىس قىلىشى ئىنتايىن نورمال ئەھۋال، ئەنسىرەش كەتمەيدۇ. چۈنكى، ئاياللارنىڭ كۆكسى تېخىمۇ يىتىلىپ تولسا، ئاندىن بوۋاققا ئۇزۇق بىرىش ئاساسىنى تىكلىيەلەيدۇ.
كىچىك تەرەت قېتىم سانى كۆپلەش
    ئانىلار ئەمدى ھامىلدار بولۇپ قالغىنىنى بايقىغان دەسلەپكى مەزگىلدە، ھەمىشە كىچىك تەرىتى قىستىغاندەك تۇيغۇدا بولىدۇ؛ ئۇنىڭ ئۈستىگە، بۇ خىل كىچىك تەرەت قىستاش تۇيغۇسى، ھامىيلىنىڭ يىتىلىشىگە ئەگىشىپ تېخىمۇ كۈچىيىدىغان بولۇپ، ھامىلدار ئاياللار بۇنىڭدىن ئەنسىرمىسىمۇ بولىدۇ. چۈنكى، بۇ ئەھۋال ھامىيلىنىڭ يىتىلىشىنىڭ ياخشى ئىكەنلىكىدىن دىرەك بىرىدىغان بولۇپ، ھامىيلىنىڭ يىتىلىشى ياخشى بولغاچقا، ھامىيلە دوۋساقنى بېسىۋىلىپ، ھامىلدار ئايالدا كىچىك تەرىتى قىستىغانلىق تۇيغۇسى پەيدا قىلىدۇ. بۇنداق ئەھۋالدا، بەزى ھامىلدار ئاياللار بۇنىڭدىن زىرىكىش ھىس قىلىشى، ھەتتا كىچىدىكى ئۇيقۇسىغا تەسىر يىتىشى مۇمكىن. بۇ يەردە ھامىلدار ئاياللارغا شۇنى تەكلىپ بىرىمىزكى، چوقۇم روھى كەيپىياتنى ياخشى تەڭشەپ، ھامىلدار ئاياللارنىڭ كىچىك تەرىتى كۆپ بولۇشتەك بۇ ئەھۋالغا توغرا پوزىتسىيەدە بولۇشى كىرەك.
ئىشتىھاسى ئېچىلىپ كىتىش
   ھامىلدار ئاياللارنىڭ ئىشتىھاسى ئېچىلىپ، تاماق مىقدارى ۋە ئۇيقۇسىنىڭ كۆپلەپ قېلىشى، ئۇلارنىڭ ھۇرۇنلىشىپ قالغانلىقىدىن ئەمەس، بەلكى بەدىنىدىكى ھورمۇن سەۋيىسى تەڭپۇڭلىقىنى يوقىتىپ، ئۇلارنىڭ ئاشقازان ئۈچەي ئىقتدارىدا ئۆزگىرىش ھاسىل قىلغانلىقىدىن بولىدۇ. بۇ نورمال بىر ئەھۋال. بىراق، ھامىلدار ئاياللارغا شۇنى تەۋسىيە قىلىمىزكى، تاماق جەھەتتە يەنىلا ئۆزىنى كونتىرول قىلىۋىلىش كىرەك؛ بولمىغاندا، ھەزىم قىلىش ياخشى بولماسلىقنى كەلتۈرۈپ چىقىرىپلا قالماي، يەنە سىزنى سەمىرتىپ قويىدۇ. بۇندىن باشقا، ھامىلدارلىق مەزگىلىدە ئۇزۇقلۇقنىڭ تەڭپۇڭ بولۇشىغا كاپالەتلىك قىلىش، تاماق يەپ بولۇپلا يەنە قورسىقى ئاچقاندەك ھىس قىلسا، ئۇزۇقلۇق قىممىتى يۇقىرى مىۋە-چىۋىلەرنى ئىستىمال قىلىشى كىرەك.
بەدىنى سىقىراپ ئاغرىش
    بۇ ئەھۋال ئادەتتە ھامىلدارلىق ئوتتۇرا ۋە ئاخىرقى  مەزگىلىدە كۆرىلىدىغان بولۇپ، ھامىيلە يىتىلىش جەريانىدا، ھامىلدار ئايال كۈندىلىك قوبۇل قىلغان ئۇزۇقلۇق ماددىلارنى سۈمۈرىدۇ. ئەگەر ھامىلدار ئايالدا ئۇزۇقلۇق قوبۇل قىلىش تەڭپۇڭ بولماي كالتسىي كەملەپ كەتسە، ئاسانلا مۇسكۇللارنىڭ سىقىراپ ئاغرىشىنى كەلتۈرۈپ چىقىرىدۇ. شۇڭا ھامىلدار ئاياللار، ئادەتتە كالتسىي تۇلۇقلاشقىمۇ ئەھمىيەت بىرىپ قويۇشى مۇمكىن. بۇندىن باشقا يەنە بىر خىل ئەھۋال بولسا، ھامىيلىنىڭ چوڭىيىشىغا ئەگىشىپ، ھامىلدار ئايالنىڭ ئۇمۇرتقىسىغا تەسىر كۆرسىتىدىغان بولۇپ، نىرىپلارنى بېسىۋالسا، ھامىلدار ئاياللاردا باش قېيىش ۋە بىئارام بولۇشتەك ئەھۋاللار كۆرىلىدۇ. شۇنىڭ ئۈچۈن، ھامىلدار ئاياللار ئادەتتە يول ماڭغان ۋاقىتتا، باش قىسىم ۋە بەل قىسىمنى كۆپرەك ھەرىكەتلەندۈرۈپ بىرىپ، باش ئاغرىش ئالامەتلىرىنى يىنىكلىتىشكە پايدىلىق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号