ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
بالىڭىزنى دائىم بۇ جايلارغا ئېلىپ بارسىڭىز پايدىسى زور
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-05-13كۆرۈلىشى : قېتىم
    ئىلگىرى بىر مەزگىل، بىزنىڭ مەھەللە كومتىتى بىر قېتىملىق "دارىلتامنى چۈشىنىش" مەخسۇس تېمىلىق پائالىيەت ئورۇنلاشتۇردى. بۇ ۋاقىت دەل بالامنى تەتىلگە قويۇۋەتكەن ۋاقىتقا ئۇدۇل كەلگەن بولغاچقا، مەن ئۇنى بىللە ئېلىپ بۇ قېتىملىق پائالىيەتكە قاتناشتىم. پائالىيەتتىن قايتىپ كەلگەندىن كىيىن، بالام تۇيۇقسىزلا ئىلگىرىكىگە قارىغاندا كۆپ ئىش ئۇقىدىغان بولۇپ قالدى. ئىلگىرى ئۇ ئەزەلدىن ماڭا ئۆي ئىشلىرىنى قىلىشىپ بەرمەيتتى؛ ھازىر بولسا، ھەرقېتىم تاماق يەپ بولغاندىن كىيىن، ئۈستەللەرنى سۈرتۈپ، قاچا-قۇچىلارنى يېغىشتۇرۇشۇپ بىرىدۇ. بۇندىن باشقا، ئۇ يەنە ھازىر ئۆزىنىڭ ناھايىتى بەخىتلىك ئىكەنلىكىنى ئېيتىپ، چوقۇم ياخشى تىرىشىپ ئۆگىنىدىغانلىقى ھەققىدە كاپالەت بەردى. ئەمىلىيەتتە بۇ خىل ئۆزگىرىش، باشقا بىر نوقتىدىن ئېلىپ ئېيتقاندا، بالىنىڭ ھىسي كۆرسەتكۈچىنىڭ كۆتۈرۈلگەنلىكىنى چۈشەندۈرۈپ بىرىدۇ. ھەر بىر ئاتا-ئانا بالىسىنىڭ ھىسي كۆرسەتكۈچى يۇقىرى ئادەم بولۇشىنى ئۈمىد قىلىدۇ،  بىراق بالىسىنىڭ ھىسي كۆرسەتكۈچىنى قانداق يىتىلدۈرۈشنى بىلمەيدۇ. ئەمىلىيەتتە، ئاتا-ئانىلار بالىسىنى تۆۋەندىكى جايلارغا كۆپرەك ئېلىپ بارسا، بالىنىڭ ھىسي كۆرسەتكۈچىنى يۇقىرى كۆتۈرۈشكە ناھايىتى زور پايدىسى بولىدۇ.
كۆڭۈل ئېچىش مەيدانى(游乐场)
   نۇرغۇن ئاتا-ئانىلارنىڭ قارىشىچە، كۆڭۈل ئېچىش مەيدانىغا بېرىش ئويناش ئۈچۈن بولىدۇ، بۇندىن باشقا پايدىسى باردەك كۆرۈلمەيدۇ. ھازىرقى كۆڭۈل ئېچىش مەيدانى ئىلگىرىكىگە ئوخشىمايدىغان بولۇپ، ئىچىدە ھەرخىل كۆڭۈل ئېچىش ئەسلىھەلىرى بار؛ بۇلارنىڭ ئىچىدىكى بەزى ئەسلىھەلەر، بالىلارنىڭ ئويناش جەريانىدا ئەقلى ئىقتىدارىنى يۇقىرى كۆتۈرۈشىگە پادىلىق بولىدۇ. بالىلارنى ھەمىشە چوڭ تىپتىكى كۆڭۈل ئېچىش سورۇنلىرىغا ئېلىپ بېرىش، بالىلارنىڭ نەزەر دائىرىسىنى كېڭەيتىپلا قالماي، يەنە ئۇلارنىڭ ئەقلى ئىقتىدارىنى ئاشۇرۇشقىمۇ پايدىلىق بولىدۇ. ئۇنىڭ ئۈستىگە، بالىلاردا ھەرقانداق بىر يىڭى نەرسىگە قارىتا كۈچلۈك قىزىقىش تۇيغۇسى پەيدا بولىدىغان بولغاچقا، ئۇلار كۆڭۈل ئېچىش مەيدانىدا پۇخادىن چىققۇچە ئويناپلا قالماي، يەنە ئويناش جەريانىدا ئەقلى ئىقتىدارى ۋە ھىسى كۆرسەتكۈچىنى يۇقىرى كۆتۈرەلەيدۇ.
كۈتۈپخانا
    ئاتا-ئانىلار ئادەتتە، بالىسىنى كۈتۈپخانىغا كۆپرەك ئېلىپ بېرىپ، ئۇلارنىڭ كىتاپ ئوقۇشتەك ياخشى ئادىتىنى يىلتىلدۈرۈش كىرەك. بالىلاردا نۇرغۇن شەيئىلەرگە قارىتا ھېچقانداق تۇنۇش يوق. كىتاپ ئوقۇش جەريانىدا، ئۇلار توختىماستىن تەپەككۇر قىلىدىغان ۋە ئويلىنىدىغان بولۇپ، بۇ ئۇلارنىڭ بىلىم مىقدارىنى ئاشۇرىدۇ ھەمدە نەزەر دائىرىسىنى كېڭەيتىدۇ. ئۇنىڭ ئۈستىگە، كىتاپ ئوقۇشنى ياخشى كۆرىدىغان بالىلار، مەيلى ئادەتتىكى گەپ قىلىش ياكى ئىش قىلىش جەھەتتە بولسۇن، ئوخشاش ياشتىكى بالىلارغا قارىغاندا تېخىمۇ يۇقىرى بولغان ھىسي كۆرسەتكۈچىنى ئىپادىلەيدۇ. چۈنكى، كىتاپ ئوقۇش، ئۇلارنىڭ ئىجتىمائى ئالاقە ئىقتىدارى ۋە مەسىلىلەرنى ماسلاشتۇرۇپ بىتەرەپ قىلىش ئىقتىدارىنى ئاشۇرىدۇ.
دارىلتام
    دارىلتام بەلكىم كۆپچىلىككە تۇنۇشلۇق بولسا كىرەك؛ بۇ يەردىكى بالىلارنىڭ ھەممىسى يىتىم بالىلار بولۇپ، ئاتا-ئانىسى بولمىغاچقا، ئۇلارنىڭ ئىچكى دۇنياسى ناھايىتى غېرىپ كىلىدۇ، شۇڭا ئۇلار كۆڭۈل بۆلۈشكە تېخىمۇ مۇھتاج. دارىلتامنىڭ مەۋجۇت بولۇپ تۇرۇشى، تېخىمۇ كۆپ ياردەمگە ئىھتىياجلىق بالىلارغا ياردەم قىلىش بولۇپ، ئاتا-ئانىلار ھەمىشە بالىسىنى دارىلتامغا ئاپىرىپ كۆرسىتىپ كەلسە، ئۇلار مىننەتدار بولۇشنى ئۆگىنىپ، باشقىلارغا ياردەم بىرىش ئارقىلىق مۇۋەپپىقىيەت تۇيغۇسى ۋە بەخىت تۇيغۇسىغا ئىرىشىشنى ئۆگىنەلەيدۇ؛ بۇندىن باشقا، ئۇلار ھازىرقى بەخىتلىك تۇرمۇشىنى تېخىمۇ قەدىرلەشنى ئۆگىنىدىغان بولۇپ، ئۇلارنىڭ بۇندىن كىيىنلىك ئۆسۈپ-يىتىلىشىگە پايدىلىق بولىدۇ.
نىسبەتەن نامرات رايونلار
    ئوخشاش بولمىغان مۇھىت، ئوخشاش بولمىغان ئىقتىسادى شارائىت ئاستىدا تۇرمۇش كەچۈرىدىغان بالىلارنىڭ، مىجەز-خارەكتىرى ۋە سىرتقى دۇنياغا بولغان پوزىتسىيە قاراشلىرى جەھەتتىمۇ چوڭ پەرقلەر بولىدۇ. شەھەرلەردە تۇرمۇش كەچۈرىدىغان نۇرغۇن بالىلار، پۇلنى خالىغانچە بۇزۇپ چېچىپ، ھەتتا ئاتا-ئانىسىدىن مىننەتدار بولۇشنىمۇ بىلمەيدۇ؛ بۇنداق بالىلار، كەلگۈسىدە جەمئىيەتكە چىققان ۋاقىتتا چوقۇم زىيان تارتىپ قالىدۇ. شۇڭا، ئاتا-ئانىلار بالىلىرىنى تەرەققىياتى نىسبەتەن ئارقىدا قالغان نامرات رايونلارغا ئاپىرىپ كۆرسىتىپ كەلسە، ئۇلارنىڭ بەخىتلىك تۇرمۇشنىڭ ئاسانغا قولغا كەلمەيدىغانلىقىنى ھىس قىلدۇرۇپ، ئۇلارنى مىننەتدار بولۇشنى ۋە قەدىرلەشنى بىلىدىغان قىلىپ تەربىيەلەپ چىقىشقا پايدىلىق بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号