ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
تۇغۇتتىن كىيىن بىراقلا قېرىپ كىتىشنىڭ ئۈچ خىل ئالامىتى
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-05-12كۆرۈلىشى : قېتىم
     ھامىلدار بولۇشتىن ئىلگىرى ھەركۈنى ياسىنىپ يۈرۈشنى ياخشى كۆرىدىغان قىزلار، تۇغۇپ قوپقاندىن كىيىن، ئۆزىنى تۈزەشتۈرۈش خوش ياقمايدىغان، چاچلىرى پاخپاق، كىيىملىرى رەتسىز يۈرىدىغان بولۇپ قالىدۇ ھەمدە ناھايىتى تىزلا چىرايىغا قورۇق ۋە داغ چۈشۈشكە باشلايدۇ. ئەمىلىيەتتە، تۇغۇتتىن كىيىن بىراقلا نەچچە ياش قېرىپ كىتىدىغان ئەھۋال، كۆپ قىسىم ئاياللار باشتىن كەچۈرگەن ھەم كەچۈرىدىغان بىر ئىش بولۇپ، بۇنىڭ تۆۋەندىكىدەك بىر نەچچە خىل تىپىك ئالامەتلىرى بار بولىدۇ.
چاچ چۈشۈش
    نۇرغۇن ئاياللار تۇغۇپ قوپقاندىن كىيىن، ئۇلاردا ئېغىر چاچ چۈشۈش كۆرىلىدىغان بولۇپ، ھەركۈنى چاچ تارىغان ۋاقىتتا نۇرغۇنلىغان چاچلىرى تاغاق بىلەن بىللە قولىغا چىقىدۇ ھەمدە بۇ سەۋەپلىك چاچ سىزىقچىلىرى بارغانسىرى يۇقىرىغا قاراپ يۆتكىلىدۇ. تۇغۇتتىن كىيىن چاچ چۈشۈشنىڭ سەۋەبى بولسا، بىر تەرەپتىن ئاياللارنىڭ ھامىلدار بولغان ۋاقىتتىكى بەدىنىدىكى ھورمۇن سەۋيىسىدە ئۆزگىرىش كۆرۈلۈش بىلەن مۇناسىۋەتلىك؛ يەنە بىر تەرەپتىن بولسا، ئانىلارنىڭ بالا بېقىپ ئۆي تۇتۇش سەۋەبىدىن زىيادە چارچاپ كىتىشى بىلەن مۇناسىۋەتلىك بولىدۇ.
سەمىرىپ كىتىش
   كۆپ قىسىم ئاياللار ھامىلدار بولۇشتىن ئىلگىرى، ھەممىسىنىڭ بەدەن شەكلى ئۇرۇق كىلىدۇ، ھەرقانداق كىيىم كەيسە ئوخشاشلا يارىشىدۇ. بىراق، تۇغۇتتىن كىيىن ئۇلار بىلىپ بىلمەي سەمىرىپ كىتىدىغان بولۇپ، ئىلگىرىكى كىيىملىرى ئاساسى جەھەتتىن كىچىك كىلىپ قالىدۇ. ئۇنىڭ ئۈستىگە، بۇنداق ئەھۋالدا ئايال كىشى قارىماققا قېرىپ كەتكەندەك كۆرىنىدىغان بولۇپ، تۇغۇتتىن كىيىن ئۇرۇقلاشمۇ، ئويلىغاندەك ئۇنداق ئاسانغا توختىمايدۇ. چۈنكى، ئانا بولغۇچى بالىسىغا قاراش ۋەزىپىسىنى ئۈستىگە ئالغان بولغاچقا، ئۇلار ۋاقىت ئاز بولۇش ۋە چارچاش سەۋەبىدىن، ئۇرۇقلاشقا كۆپ زىھنىنى سەرپ قىلىپ بولالمايدۇ.
تىرىلىرىگە داغ چۈشۈش
    ئاياللار تۇغۇپ قوپقاندىن كىيىن، ئۇلارنىڭ تىرىسىنىڭ ئەھۋالى ئىلگىرىكىگە يەتمەيدىغان بولۇپ قالىدۇ؛ بۇ ۋاقىتتا، داغ، دانىخورەك، تىرە رەڭگى ئۆڭۈش، تىرە بوشىشىش قاتارلىقلارنىڭ ھەممىسى كۆرۈلۈشكە باشلاپ، ئوخشاش ياشتىكىلەرگە قارىغاندا نەچچە ياش چوڭ كۆرىنىدۇ. بۇنىڭدىكى چوڭ بىر قىسىم سەۋەپ، ئۇلارنىڭ بەدىنىدىكى ھورمۇن مىقدارىدا ئۆزگىرىش پەيدا بولۇپ، ئىچكى ئاجرالمىدا بىنورماللىق كۆرۈلگەنلىك سەۋەبىدىن بولىدۇ. بۇ خىل ئەھۋال، ھامىلدار بولغاندىن باشلاپ، تۇغۇتتىن كىيىنكى ۋاقىتقىچە داۋاملىشىدىغان بولۇپ، ئاياللار تۇغۇتتىن كىيىن ئۈچ ئاي ئىچىدىكى تىرىسىنى ئاسراشنى ياخشى قىلىشى، بۇ مەزگىلدە تىرىسىگە يىتەرلىك مىقداردا سۇ تەركىبى ۋە ئۇزۇقلۇق تۇلۇقلاشقا ئەھمىيەت بىرىشى كىرەك.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号