ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

ساغلاملىق

نۆۋەتتىكى ئورنىڭىز : 首页 » ساغلاملىق  » ئانا-بالىلار
بالا ئىمىتىش مەزگىلىدە قانداق ئۇزۇقلىنىش كىرەك؟
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-01-11كۆرۈلىشى : قېتىم
    كۆپ قىسىم ئانىلار، بالا ئىمىتىش مەزگىلىدە ھەرقانداق يىگۈسى بار نەرسىلەرنى يىسە بولىۋىرىدىغانلىقىنى، ئالاھىدە پەرھىز تۇتۇشقا تىگىشلىك بىرەر نەرسىنىڭ يوقلىقىنى بايقىغان.
    شۇنداق، ئادەتتىكى ئەھۋال ئاسىتدا، پەقەت سىزنىڭ مەلۇم بىر خىل ياكى بىر نەچچە خىل يىمەكلىك رىئاكسىيە قىلىدىغان تارىخىڭىز بار بولمىسىلا، ئادەتتە سىز يىيىشنى ياخشى كۆرىدىغان يىمەكلىكلەرنىڭ ھەممىسى ياخشى يىمەكلىك ھىسابلىنىدۇ. بىراق، بالا ئىمىتىشتە، ئانىنىڭ بەدىنى ھەركۈنى تەخمىنەن 500كىلوكالورىيە ئەتراپىدا ئىنىرگىيە سەرپ قىلىشقا توغرا كىلىدۇ؛ شۇڭا ئىمىتىش مەزگىلىدە، ساغلاملىققا پايدىلىق يىمەكلىكلەرنى يىيىش ئىنتايىن مۇھىم. بۈگۈن بىز كۆپچىلىكنىڭ دىققىتىگە، بالا ئىمىتىش مەزگىلىدىكى يىمەك-ئىچمەك ھەققىدە بىرىلگەن بەزىبىر تەكلىپلەرنى تۇنۇشتۇرۇپ ئۆتىمىز.

مۇۋاپىق تۈردە ئۇزۇقلۇق قۇبۇل قىلىش
    بالا ئىمىتىش مەزگىلىدە، سىزنىڭ ئىستىمال قىلغان يىمەكلىكلىرىڭىزنىڭ تەركىبىدە، كالتسىي، تۆمۈر، ئاقسىل قاتارلىقلارنىڭ مول بولۇشىغا تېخىمۇ كاپالەتلىك قىلىش كىرەك. ئادەتتە كالتسىينىڭ ئەڭ ياخشى بولغان كىلىش مەنبەسى سۈت مەھسۇلاتلىرى ۋە يىشىل كۆكتاتلاردۇر؛ بۇندىن باشقا يەنە، كالتسي تەركىبى يۇقىرى بولغان يىمەكلىكەر، مەسىلەن مىۋە شەربىتى، دانلىق زىرائەتلەر، پۇرچاق سۈتى، پۇرچاق قېتىقى ۋە پۇرچاق ئۇيۇتمىسى قاتارلىقلارنىڭ ھەممىسى ياخشى تاللاش بولالايدۇ.
    ساغلام يىمەك-ئىچمەك ئادىتى تۆۋەندىكىلەرنى ئۆز ئىچىگە ئالىدۇ:
    1. ھەر كۈنى ئاز دىگەندە 5خىل ئوخشاش بولمىغان مىۋە-كۆكتات ئىستىمال قىلىش؛
    2. كىراخمال تۈرىدىكى يىمەكلىكلەر، مەسىلەن ئۇن تامىقى، بوغداي ئۇنىدا سېلىنغان بولكا، گۈرۈچ تامىقى ۋە ياڭيۈ قاتارلىقلار
   3. تالالىق يىمەكلىك، مەسىلەن دانلىق زىرائەت، گۈرۈچ، پۇرچاق تۈرىدىكى يىمەكلىكلەر، مىۋە-چىۋە ۋە كۆكتات قاتارلىقلارنى ئىستىمال قىلىش.  بەزى ئاياللاردا تۇغۇتتىن  كىيىن بەزىبىر ئۈچەي يوللىرى مەسىلىلىرى ۋە قەۋزىيەت كۆرۈلىدىغان بولۇپ، تالا ماددىسى بولسا بۇ ئىككى مەسىلىگە قارىتا پايدىلىق تەسىر كۆرسىتىدۇ.
    4. ئاقسىل تۇلۇقلاش، يەنى ئاقسىل، ئۇرۇق گۆش، توخۇ گۆشى، بېلىق، تۇخۇم ۋە پۇرچاق تۈرىدىكى يىمەكلىكلەرنى ئىستىمال قىلىش. بۇندىن باشقا ھەر ھەپتىدە ئىككى قېتىم بېلىق يىيىش تەۋسىيە قىلىنىدۇ.
   5. سۈت مەھسۇلاتلىرى، مەسىلەن كالا سۈتى، قېتىق قاتارلىقلار.
   6. كۆپ مىقداردا سۇيۇقلۇق قوبۇل قىلىش. بالا ئىمىتىۋاتقان ۋاقتىڭىزدا، يېنىڭىزدا ئەڭ ياخشىسى بىر ئىستاكان سۇ ياكى كالا سۈتى، ۋەياكى شىكەر قوشۇلمىغان مىۋە شەربىتى تەييارلاپ قويۇپ قويۇشىڭىز تەۋسىيە قىلىنىدۇ.
ۋىيتامىن D تولۇقلاشقا دىققەت قىلىش
    بالا ئىمىتىش مەزگىلىدە، ھەر كۈنى تەركىبىدە 10مىكروگىرام ۋىيتامىن D بار بولغان تابلىتكا ئىچىش تەۋسىيە قىلىنىدۇ؛ بۇنىڭدا سىزنىڭ ۋە بوۋاقنىڭ كالتسىينىڭ سۈمۈرۈشىڭىزنى ئىلگىرى سۈرۈشكە پايدىلىق. بۇندىن باشقا، ئىستىمال قىلىدىغان يىمەكلىكنىڭ تۈرىنى كۆپەيتىش ئارقىلىق، ئۇزۇقلۇقنىڭ تەكشى بولۇشىنى ئىلگىرى سۈرۈپ، ھەر خىل تۈردىكى ۋىيتامىنلار ۋە مىنرالنى ماددىلارنى قوبۇل قىلىشقا كاپالەتلىك قىلىش لازىم.
بالا ئىمىتىش مەزگىلىدىكى تەۋسىيىلىك ئۇششاق يىمەكلىكلەر
    تۆۋەندىكى پارچە يىمەكلىكلەر ھەم قولايلىق ھەم ساغلام بولۇپ، سىزگە ئۇزۇقلۇق تۇلۇقلاش ئۈنۈمى كۆرسىتىدۇ.
     يىڭى مىۋە-چىۋە؛
     قېتىم ۋە پىشلاق(奶酪
     ئۈرۈك مېغىزى، ئەنجۈر؛
     كۆكتات ۋە پۇرچاق شورپىسى؛
     شىكەر قوشۇلمىغان ناشتىلىق دانلىق زىرائەتلەر ۋە قاتتىق پوستلىق مىۋىلەر؛
     شىكەر قوشۇلمىغان مىۋە شەربىتى ۋە سۈت ئىچىملىكلىرى؛

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号