ئەسسالامۇ ئەلەيكۇم ، ئاشپەز تور بېكىتىگە بېكىتىگە خۇش كەلدىڭىز : بۈگۈن :
ئاشپەز تورى

تۇرمۇش يىتەكچىسى

نۆۋەتتىكى ئورنىڭىز : باش بەت  » تۇرمۇش يىتەكچىسى » كۆكتاتلار
كاۋا
مەنبەسى : ئاشپەز تورىيوللىغۇچى : سەييارە ۋاقتى : 2017-09-24كۆرۈلىشى : قېتىم

 ئۇيغۇرچە نامى كاۋا

خەنزۇچە ئاتىلىشى 南瓜

تەبىئىتى ھۆل ئىسسىق

كاۋا كاۋا ئائىلىسىدىكى بىر يىللىق، پېلەك تاشلاپ ئۆسىدىغان، سامان غوللۇق، كاۋىغا ئۇرۇقداش ئۆسۈملۈك بولۇپ، غولىنىڭ توغرا كەسمە يۈزى بەش بۇرجەك شەكىلدە، گۈلى سېرىق كېلىدۇ. ئۇنىڭ مانتا كاۋىسى، تونۇر كاۋىسى ۋە سەي كاۋىسى قاتارلىق كۆپ خىل تۈرلىرى بولۇپ، مېۋىسىنىڭ شەكلىمۇ ھەرخىل بولىدۇ. ئادەتتە ھەممىسى ئىستېمال قىلىنىدۇ.

دورىغا كاۋا ئۆسۈملۈكنىڭ ئۇرۇقى ۋە ساپىقى، گۆشى ۋە پىلىكى ئىشلىتىلىدۇ.

كاۋا ئۆسۈملۈكى پىشقاندا كېيىن ئۈزۈپ ئېلىش ۋاقتىدا ساپىقىنى ئېلىپ، ئاپتاپتا قۇرۇتۇپ، كاۋىنى يېگەن ۋاقىتتا ئۇرۇقىنى ئېلىپ، يۇيۇپ ئاپتاپتا قۇرۇتۇپ، شاكىلىنى ئېلىۋېتىپ، ئىشلىتىش ۋاقتىدا سوقۇپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ.

ئاپتونوم رايونىمىزنىڭ ھەرقايسى جايلىرىدا تېرىپ ئۆستۈرۈلىدۇ.

مەددە چۈشۈرۈش، سۈت پەيدا قىلىش، ئىششىق ياندۇرۇش، سۈيدۈكنى راۋانلاشتۇرۇش، زەھەر قايتۇرۇش، ھامىلە ئاسراش خۇسۇسىيىتىگە خۇسۇسىيىتىگە ئىگە.

رىتسىپ:كاۋا ئۇرۇقىدىن 60 ~ 130 گرام ئېلىپ سۇدا قاينىتىپ، شامىسى بىلەن قوشۇپ ئاچ قورساققا بىراقلا ئىچىپ، 1 ~ 2 سائەتتىن كېيىن تازىلانغان شوردىن 25 گرامنى قايناق سۇ بىلەن ئىچىپ بەرسە، سازاڭ مەددىسىنى چۈشۈرىدۇ.

130 گرام كاۋا پىلىكىنى قورۇپ سارغايتىپ، 35 گرام سۇسىز زەمچىنى سوقۇپ، تالقان قىلىپ، كۈنجۈت يېغى بىلەن ئارىلاشتۇرۇپ، يەرلىك ئورۇنغا سۈركەپ بەرسە، بالىلاردىكى ھۆل تەمرەتكىگە مەنپەئەت قىلىدۇ.

15 گرام كاۋا ئۇرۇقىنى سوقۇپ ئۇنىڭغا مۇۋاپىق مىقداردا ئاق شېكەر قوشۇپ، كۈنىگە ئىككى قېتىم، ھەر قېتىمدا مۇۋاپىق مىقداردا ئۇدا 3 ~ 5 كۈن ئاچ قورساققا ئىچىپ بەرسە، سۈت ۋە مەنىينى كۆپەيتىدۇ.

كاۋا ساپىقىدىن 3 ~ 5 تالدىن قاينىتىپ، كۈنىگە بىر قېتىم، ھەر قېتىمدا مۇۋاپىق مىقداردا ئۇدا 5 ~ 7 كۈن ئىچىپ بەرسە، ئادەتلەنگەن بويىدىن ئاجراشقا ياخشى مەنپەئەت قىلىدۇ.

خام كاۋا گۆشىنى ئېزىپ يەرلىك ئورۇنغا سۈركەپ بەرسە، كۆيۈپ ۋە ئوق تېگىپ يارىلانغان يارىغا ياخشى مەنپەئەت قىلىدۇ.

كاۋا ساپىقىدىن مۇۋاپىق مىقداردا ئېلىپ، كۆيدۈرۈپ كۆمۈر ھالەتكە كەلتۈرۈپ، يۇمشاق سوقۇپ، يارا ئاغزىغا سەپسە، تەگكەن ئوقنى چىقىرىدۇ. 

ھۆل كاۋا يوپۇرمىقى ۋە زىرىقتىن 70 گرامدىن ئېلىپ سوقۇپ، يەرلىك ئورۇنغا چېپىپ بەرسە، سۈت بېزى ياللۇغىغا مەنپەئەت قىلىدۇ. 

 

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .

新ICP备15004026号-1

新公网安备 65010202000516号